شہزادہ جاسم سمیت قطری شاہی خاندان کے 12 افراد کی لاہور آمد

قطر کے شہزادہ جاسم سمیت شاہی خاندان کے 12 افراد لاہور پہنچ گئے جہاں ان کا استقبال وزیراعظم کے صاحبزادے نے کیا۔

ایکسپریس نیوز کے مطابق شہزادہ جاسم سمیت قطر کے شاہی خاندان کے 12 افراد خصوصی طیارے کے ذریعے لاہور کے علامہ اقبال انٹر نیشنل ایئرپورٹ پہنچے تو وزیراعظم نواز شریف کے صاحبزادے حسن نواز نے ان کا استقبال کیا جہاں سے تمام افراد وزیراعظم کی رہائشگاہ جاتی امرا کے لئے روانہ ہوئے۔ قطر کے شاہی خاندان کے افراد شکار کی غرض سے پاکستان آئے ہیں جہاں وہ تلور کا شکار کریں گے۔


اس خبر کو بھی پڑھیں: تلور کے شکار کا خصوصی اجازت نامہ قطری شہزادے کو جاری

واضح رہے کہ پاناما لیکس کیس میں قطری شہزادے جاسم کا ایک خط بھی زیر بحث ہے جس میں انہوں نے کہا کہ لندن فلیٹس کاروباری شراکت ختم ہونے پر حسین نواز کے نام کئے گئے۔

https://www.dailymotion.com/video/x54b2v9