سیاسی مخالفین کو ان کی ناعاقبت اندیشی شکست تک لے آئی خواجہ آصف

جب بار بار جھوٹ بولا جائے تو کچھ یاد نہیں رہتا، خواجہ آصف فوٹو : فائل

---

لاہور: وزیردفاع و پانی و بجلی خواجہ محمد آصف کا کہنا ہے کہ ہمارے مخالفوں کی اس سے بڑی شکست کیا ہوسکتی ہے ان کو تائید کنندہ تک نہیں ملتا،ان کو ان کی ناعاقبت اندیشی اس مقام تک لے آئی ہے.

سیالکوٹ میں تقریب سے خطاب کرتے ہوئے وفاقی وزیر کا کہنا تھا کہ 2013 کے عام انتخابات میں ان کے حلقے سے تحریک انصاف کے امیدوار کو 72 ہزار ووٹ ملے تھے لیکن گزشتہ روز مئیر کے لئے تحریک انصاف کو تائید کنندہ تک نہیں ملا مخالفین کے لئے اس سے بڑی شکست اور کیا ہوگی، انہیں ان کی سیاسی ناعاقبت اندیشی اس مقام تک لائی ہے۔

اس خبر کوبھی پڑھیں: وکٹیں گرانے کی خواہش رکھنے والوں کوناکامی ہی ہوگی

خواجہ آصف کا کہنا تھا کہ ہمیں ہر صورت سچ بولنا چاہیے کیونکہ اسے یاد رکھنے کی ضرورت نہیں پڑتی جب کہ جھوٹ کو یاد رکھنا پڑتا ہے، عمران خان نے خود پاناما کیس کی تحقیقات کے لیے کمیشن کی درخواست دی تھی لیکن جب عدالت نے کمیشن کا کہا تو عمران خان بھول گئے۔

اس خبرکوبھی پڑھیں: زکوۃ کے پیسوں کا حساب کون دے گا

وزیر دفاع کا کہنا تھا کہ افغان صدر نے احسان فراموشی کی زبان استعمال کی افغانستان کی جانب سے بھارت میں جو زبان پاکستان کے لئے استعمال کی گئی اس کو سراہا نہیں گیا پاکستان نے افغانستان کے لئے بہت قربانیاں دیں اور 35 سال سے ان قربانیوں میں تواتر قائم ہے۔