کراچی خواجہ اجمیر نگری تھانے پر دستی بم حملہ 7 افراد زخمی

خواجہ اجمیر نگری تھانے پر دستی بم آر جی ڈی ون پھینکا گیا جس میں دھماکہ خیزمواد شامل ہوتا ہے، بی ڈی ایس فوٹو فائل

---

خواجہ اجمیر نگری تھانے پر دستی بم حملے کے نتیجے میں 7 افراد زخمی ہوگئے۔

ایس پی نیوکراچی سلمان حیدر کے مطابق خواجہ اجمیر نگری تھانے سے متصل پولیس ہیڈ کوارٹرز میں بھرتیوں کے لئے سلیکشن کی جارہی تھی اس دوران دو نامعلوم موٹرسائیکل سوار افراد نے اجمیر نگری تھانے پر دستی بم پھینکا اور فرار ہوگئے۔

دھماکے کے باعث بھرتی کے لئے آئے 7 افراد زخمی ہوگئے جنہیں طبی امداد کے لئے عباسی شہید اسپتال منتقل کردیا گیا، بم ڈسپوزل اسکواڈ کے مطابق خواجہ اجمیر نگری تھانے پر دستی بم آر جی ڈی ون پھینکا گیا جس میں دھماکہ خیزمواد شامل ہوتا ہے۔