ویزہ مدت ختم ہونے پر پاکستانی شہری شاہد نظیر کو لندن چھوڑنے کا حکم

برطانوی امیگریشن حکام نے سفری دستاویزات مکمل ہونے تک ان پر برطانیہ میں داخلے پر پابندی عائد کردی ہے۔ فوٹو: فائل

---

RAWALPINDI: برطانوی امیگریشن حکام نے ون پاونڈ فش گانے سے شہرت پانے والے پاکستانی شہری شاہد نظیر کو 25 دسمبر تک لندن چھوڑنے کے احکامات جاری کر دئیے ہیں۔

برطانوی اخبار ڈیلی میل کے مطابق شاہد نظیر کے ویزے کی میعاد ختم ہو چکی ہے، امیگریشن حکام نے سفری دستاویزات مکمل ہونے تک ان پر برطانیہ میں داخلے پر پابندی عائد کردی ہے۔ امیگریشن حکام کا کہنا ہے کہ شاہد نظیر پاکستان سے دوبارہ ویزے کی درخواست کریں۔

شاہد نظیر کا گانا "ون پاونڈ فش" یو ٹیوب پر 50 لاکھ مرتبہ سنا جا چکا ہے اور گوگل پر دوسرے نمبر پر سرچ کیا جانے والا گانا ہے۔ گانے کے مشہور ہونے کے بعد شاہد نظیر نے ایک میوزک کمپنی کے ساتھ معاہدہ بھی کر لیا ہے۔