لیفٹیننٹ جنرل نوید مختار ڈی جی آئی ایس آئی مقرر آئی ایس پی آر

نوید مختار کور کمانڈر کراچی کے فرائض انجام دے ہے تھے جب کہ رضوان اختر کو صدر نیشنل ڈیفنس یونیورسٹی تعینات کردیا گیا۔

ویب ڈیسک December 11, 2016

نوید مختار کور کمانڈر کراچی کے فرائض انجام دے ہے تھے جب کہ رضوان اختر کو صدر نیشنل ڈیفنس یونیورسٹی تعینات کردیا گیا۔ فوٹو؛ فائل

ISLAMABAD: کور کمانڈر کراچی لیفٹیننٹ جنرل نوید مختار کو ڈی جی آئی ایس آئی مقرر کردیا گیا۔

پاک فوج کے شعبہ تعلقات عامہ (آئی ایس پی آر) کے مطابق فوج میں اعلیٰ سطح پر ہونے والے تقررو تبادلے کے بعد کور کمانڈر کراچی لیفٹیننٹ جنرل نوید مختار کو ڈائریکٹر جنرل آئی ایس آئی مقرر کردیا گیا ہے۔

اس خبر کو بھی پڑھیں: ڈی جی آئی ایس آئی اور ڈی جی رینجرز سندھ بھی تبدیل

لیفٹیننٹ جنرل نوید مختار کور کمانڈر کراچی کے فرائض انجام دے رہے تھے جب کہ اب ان کی جگہ لیفٹیننٹ جنرل شاہد بیگ مرزا کو کورکمانڈر کراچی کی ذمہ داریاں سونپی گئی ہیں۔ شاہد بیگ مرزا جی ایچ کیو میں ملٹری سیکریٹری کے طور پر کام کررہے تھے جن کا آرمی چیف جنرل قمر جاوید باجوہ نے حال ہی میں بطور کورکمانڈر کراچی تقرر کیا ہے۔

واضح رہے کہ پاک فوج میں اعلیٰ سطح پر تقرریاں اور تبادلے کیے گئے ہیں جن کے تحت سابق ڈی جی آئی ایس آئی لیفٹیننٹ جنرل رضوان اختر کا تبادلہ کرکے انہیں نیشنل ڈیفنس یونیورسٹی کا صدر مقرر کردیا گیا ہے۔