میڈونا کیخلاف محفل موسیقی دیر سے شروع کرنے پر رٹ دائر

کنزیومر بورڈ کے جائزے کے بعد گلوکارہ کو قانونی چارہ جوئی کا سامنا ہوسکتا ہے۔ فوٹو: فائل

---

چلی میں عالمی شہرت یافتہ گلوکارہ میڈونا کے 650 سے زائد پرستاروں نے رواں ہفتے شروع ہونے والی ایک محفل موسیقی کے دیر سے شروع اور جلد ختم ہونے کے بارے میں قومی کنزیومر بورڈ کے پاس شکایات دائر کی ہیں۔

چلی کے کنزیومروں کے حقوق کا تحفظ کرنے والا ادارہ کنزیومر ایجنسی یہ معلوم کرنے کے لیے محفل موسیقی کے منتظمین سے رابطہ کر رہا ہے کہ یہ محفل موسیقی دو گھنٹے سے زائد کی تاخیر سے کیوں شروع ہوئی اور توقع سے چالیس منٹ پہلے کیوں ختم کردی گئی۔



ایجنسی اس بات کا بھی جائزہ لے رہی ہے کہ آیا اس محفل موسیقی کی وجہ سے ٹکٹوں کی شرائط کی خلاف ورزی تو نہیں کی گئی ہے۔ اس کے بعد ایجنسی قانونی چارہ جوئی کرنے یا متاثرین کو معاوضہ کی ادائیگی کے لیے کوئی معاہدہ کرنے کا فیصلہ کرے گی۔