سندھ رینجرز کی محنت اور قربانیاں امن آپریشن کی تاریخ ہے کورکمانڈر کراچی

کورکمانڈر کراچی اورڈی جی آئی ایس آئی کے عہدے پر ترقی پانے والے لیفٹیننٹ جنرل نوید مختار کا کہنا ہے کہ کراچی میں امن و امان کے قیام میں سندھ رینجرز نے اہم اور کلیدی کردار ادا کیا ہے ان کی محنت اور قربانیاں امن آپریشن کی تاریخ کا حصہ ہیں۔

ایکسپریس نیوز کے مطابق کورکمانڈر کراچی لیفٹیننٹ جنرل نوید مختار نے رینجرز ہیڈکوارٹر کا دورہ کیا جہاں لیفٹیننٹ جنرل کے عہدے پر ترقی پانے والے ڈی جی رینجرز بلال اکبر نے ان کا استقبال کیا۔

اس خبرکوبھی پڑھیں: ڈی جی رینجرز سندھ بلال اکبر چیف آف جنرل اسٹاف تعینات


کورکمانڈر کراچی لیفٹیننٹ جنرل نوید مختار کو عیدمیلاد النبی ﷺ کے حوالے سے سیکیورٹی پر بریفنگ دی گئی۔

اس خبرکوبھی پڑھیں: لیفٹیننٹ جنرل نوید مختار ڈی جی آئی ایس آئی مقرر

اس موقع پر لیفٹیننٹ جنرل نوید مختار کا کہنا تھا کہ کراچی میں امن قائم کرنے میں سندھ رینجرز کا کلیدی کردار رہاہے جس پر رینجرز کے تمام افسران اور اہلکار داد کے مستحق ہیں ،سندھ رینجرز کی قربانیاں اور محنت کراچی کے امن آپریشن کی تاریخ کا حصہ ہیں۔

https://www.dailymotion.com/video/x550vn7