اس ہفتے اہم شخصیات پرمزید دہشتگرد حملوں کاخدشہ

اہم مقامات، تنصیبات، وکلا،شیعہ رہنمائوں، میڈیا اور سیاسی شخصیات کونشانہ بنایاجاسکتاہے. فوٹو: اے ایف پی/فائل

---

اس ہفتے اہم شخصیات پر مزید دہشت گردحملوں کاخدشہ ہے۔

کالعدم تحریک طالبان نے 9 اہم شخصیات 3 درباروں ایک جیل اور16اہم ترین تنصیبات اور عمارتوں کونشانہ بنانے کی منصوبہ بندی کرلی ،خفیہ اداروں کی رپورٹ کے بعدمحکمہ داخلہ پنجاب نے ان شخصیات درباروں،جیل اورعمارتوں کی سیکیورٹی ریڈالرٹ کرنے کے احکام جاری کردیے ہیں۔ رپورٹس کے کے مطابق مراسلہ نمبر 50096-105-HCمیں بتایا گیاہے کہ شدت پسندوں کے کمانڈراسرافیل نے سوڈیم ایسڈاورسوڈیم سائنا ئیڈ دھماکا خیز مواد سے حملوں کی منصوبہ بندی کی ہے۔



بتایاگیاہے کہ طالبان کی فہرست میں بعض ناموروکلا،شیعہ رہنما، میڈیا اور سیاست سے وابستہ کئی اہم شخصیات شامل ہیں۔ان میں سے کئی کوشدت پسندوں کی طرف سے دھمکی آمیزپیغامات موصول ہوئے ہیں۔مزیدبتایا گیاہے کہ تحریک طالبان نے جن اہم عمارتوں پرحملوں کی منصوبہ بندی کی ہے ان عمارتوں اورتنصیبات کی سیکیورٹی انتہائی سخت کردی گئی ہے۔