کم عمری میں جنسی طور پر ہراساں کیا گیا سونم کپورکا انکشاف

یہ واقعہ میرے لیے کافی تکلیف دہ تھاجس کا میں 2 سال تک کسی سے ذکربھی نہیں کرسکی تھی، سونم کپور، فوٹو؛ فائل

---

لاہور: بالی ووڈ اداکارہ سونم کپور نے انکشاف کیا ہےکہ کم عمری میں انہیں جنسی طور پر ہراساں کیا گیا جو ان کے لیے نہ بھولنے والا واقعہ ہے۔

بھارت میں خواتین کو ہراساں کرنے اورزیادتی کے واقعات عام ہیں جس سے معاشرے کا کوئی بھی طبقہ محفوظ نہیں جب کہ کم عمر لڑکیوں کو تنگ کرنے کے واقعات میں بھی تیزی آئی ہے جس کے بعد اب اداکارہ سونم کپور نے بھی اپنے ساتھ ہونے والے واقعے کا ذکر کرکے ایک نئی بحث چھیڑدی ہے۔

بھارتی میڈیا رپورٹس کے مطابق مقامی ٹی وی کے پروگرام میں سونم کپور نے اپنی ذاتی زندگی سے متعلق پوچھے گئے سوالات کے جواب دیئے جب کہ اس دوران انہوں نے کم عمری میں اپنے ساتھ پیش آنے والے واقعے کا بھی پردہ فاش کیا۔

اس خبر کو بھی پڑھیں:بھارتی اداکارہ تاپسی کو زندگی میں کن نازیبا حرکات کا سامنا کرنا پڑا

اداکارہ سونم کپور کا کہنا تھا کہ جب میں چھوٹی تھی تو مجھے جنسی طور پر ہراساں کیا گیا جو کہ میرے لیے حیران کن تھا۔ انہوں نے کہا کہ یہ واقعہ میرے لیے کافی تکلیف دہ تھا جس کا میں 2 سال تک کسی سے ذکر بھی نہیں کرسکی تھی لیکن یہ واقعہ آج بھی مجھے اچھی طرح یاد ہے جسے بھولنا نا ممکن ہے۔

VIDEO: 2016's top heroines open their hearts on @CNNnews18's Actresses Roundtable https://t.co/B4kjnOHQwQ This weekend, don't miss!

— Rajeev Masand (@RajeevMasand) December 12, 2016

واضح رہے کہ اداکارہ سونم کپور سے قبل کالکی کوچلن، کنگنا رناوت اور تاپسی پنوں اپنے ساتھ ہونے والی چھیڑخانی کا انکشاف کرچکی ہیں۔