باکسرعامرخان کی اگلی فائٹ کیل بروک سے متوقع

عامرخان نے اپنی ٹوئٹ کے ذریعے کیل بروکس سے فائٹ کی خواہش کا اظہارکیا جسے کیل نے قبول کرلیا۔ فوٹو: فائل

---

پاکستانی نژاد برطانوی باکسرعامر خان کی اگلی فائٹ آئندہ سال مئی میں کیل بروک سے متوقع ہے جب کہ اس حوالے سے دونوں باکسروں کے پروموٹرز کے درمیان بات چیت جاری ہے۔

باکسر عامر خان نے سماجی رابطے کی ویب سائٹ ٹوئٹر پر اپنی ایک ٹوئٹ میں باکسرکیل بروکس سے فائٹ کی خواہش کا اظہار کیا کہا کہ وہ کیل بروکس کے سامنے کھڑے ہو کر ان کے چہرے پر پنچ مارنا چاہتے ہیں اور اس حوالے سے جب وہ کہیں گے میں فائٹ کے لئے تیار ہوں۔

The 1st man to smash kell brooks face @GGGBoxing, standing with him is the next guy to smash Kelly brooks face! #ReadyWhenYouAre pic.twitter.com/ZBHA6JVS1o

— Amir Khan (@amirkingkhan) December 14, 2016

دوسری جانب کیل بروکس کے پروموٹر ایڈی ہیرن کو عامر خان کی پیش کش کا علم ہوا تو انہوں نے برطانوی نشریاتی ادارے سے بات کرتے ہوئے کہا کہ اگر عامر فائٹ چاہتے ہیں تو کیل بھی اس کے لئے تیار ہیں اور خان کو جواب دینے کے لئے یہ سنہری موقع ہے۔

واضح رہے کہ دونوں باکسروں کو مڈل ویٹ فائٹ میں شکست کا سامنا کرنا پڑا تھا، عامر خان رواں سال ساؤل کنیلو الواریز کے ہاتھوں چھٹے راؤنڈ میں ناک آؤٹ ہوگئے تھے جب کہ کیل بروک کو گینیڈی گولوکن نے پانچویں راؤنڈ میں ہی سفر تمام کردیا تھا۔