حیدر آباد کے قریب آئل ٹینکرز میں تصادم 2 افراد جھلس کر جاں بحق

زخمیوں کو طبی امداد کے لئے سول اسپتال حیدر آباد منتقل کردیا گیا۔ فوٹو: فائل

---

سپر ہائی وے پر دو آئل ٹینکرز میں تصادم کے بعد لگنے والی آگ نے پولیس موبائل سمیت متعدد گاڑیوں کو بھی اپنی لپیٹ میں لے لیا جب کہ 2 افراد جھلس کر جاں بحق اور متعدد زخمی بھی ہوئے۔

ایکسپریس نیوز کے مطابق حیدر آباد کے قریب سپر ہائی وے پر 2 آئل ٹینکرز میں تصادم کے بعد آگ بھڑک اٹھی جس نے 2 سوزکی پک اپس اور ایک پولیس وین کو بھی اپنی لپیٹ میں لے لیا۔ حادثے میں 8 افراد جھلس کر زخمی ہوئے جنہیں طبی امداد کے لئے سول اسپتال حیدر آباد منتقل کیا گیا تاہم 2 زخمی دوران علاج چل بسے۔