سلمان خان کا اپنی سالگرہ پرمداحوں کو بڑا تحفہ دینے کا اعلان

سلمان خان کے اس اعلان کے بعد ان کے مداح سرپرائزکے لیے خاصے پرجوش اوربے تاب ہوگئے ہیں

ویب ڈیسک December 18, 2016

اداکارہدایتکارکبیرخان کی نئی آنے والی "ٹیوب لائٹ" میں جلوہ گرہوں گے: فوٹو: فائل

بالی ووڈ کے دبنگ خان اپنی اداکاری کے باعث تو خاصے مشہور ہیں لیکن وہ اپنی ذاتی زندگی اور مختلف اداکاراؤں سے گہری دوستی، منگنی اور شادی کی خبروں کے باعث بھی خبروں کی زینت بنے رہتے ہیں اور اب انہوں نے مداحوں کو اپنی سالگرہ پر"بڑا تحفہ" دینے کا اعلان کیا ہے۔

بالی ووڈ سپر اسٹار سلمان خان نے سماجی رابطے کی ویب سائٹ ٹویٹرپر اپنی ٹویٹ کے ذریعے مداحوں کو تجسس میں ڈال میں دیا ہے، اداکار رواں ماہ 27 دسمبر کو 51 برس کے ہوجائیں گے جس کے حوالے انہوں نے لکھا کہ مداح ان کی جانب سے آنے والی سالگرہ پربڑے سرپرائز کے لیے تیار ہو جائیں۔

Get ready . Aa raha hai bada surprise ! #ComingSoon #BirthdaySurprise .
— Salman Khan (@BeingSalmanKhan) December 17, 2016

سلمان خان کی سالگرہ ہرسال ہی شاندار طریقے سے منائی جاتی ہے لیکن ان کے اس ٹویٹ کے بعد ان کے مداح سرپرائزکے لیے خاصے پرجوش اوربے تاب ہوگئے ہیں۔

اس خبر کو بھی پڑھیں: سلمان خان 3 سو کروڑ کی فلم بنائیں گے

واضح رہے کہ سلمان خان ہدایتکارکبیرخان کی نئی آنے والی "ٹیوب لائٹ" میں جلوہ گرہوں گے جو 2017 میں عید کے موقع پرریلیزکی جائے گی۔