مسلم لیگ ن قائد اعظم اور نوازشریف کا یوم پیدائش منائے گی

غوث علی شاہ مزار قائد پر حاضری کے بعد کارساز میں جلسے سے خطاب کریں گے. فوٹو: فائل

---

پاکستان مسلم لیگ(ن) سندھ کے صدر سید غوث علی شاہ پارٹی کے صوبائی رہنمائوں کے ہمراہ قائد اعظم محمد علی جناح اور قائد پاکستان مسلم لیگ (ن) میاں محمد نواز شریف کی سالگرہ کے موقع پر مزار قائد پر حاضری کے بعد مسلم لیگ (ن) ہائوس کارساز میں جلسے سے خطاب کریں گے۔

مسلم لیگ (ن) کے دفتر سے جاری اعلامیے کے مطابق مسلم لیگ (ن) سندھ آج قائد اعظم محمد علی جناح کا 136 واں اور قائد مسلم لیگ (ن) میاں محمد نواز شریف کا 63 واں یوم پیدائش شایان شان طریقے سے منائے گی۔



ڈیڑھ بجے منگل کو صوبائی صدر سید غوث علی شاہ ، صوبائی جنرل سیکریٹری سلیم ضیا، سیکریٹری اطلاعات علی اکبر گجراور دیگر صوبائی، ڈویژنل اور ضلعی عہدے داروں کے ہمراہ لائنز ایریا میں پارٹی کے مقامی رہنما صابر قریشی کی جانب سے لگائے گئے کیمپ میں میاں نواز شریف کی سالگرہ کا کیک کاٹیں گے،بعدازاں سید غوث علی شاہ صوبائی کابینہ کے ہمراہ قائد اعظم محمد علی جناح کے مزار پر حاضری دیںگے ،بعدازاں مسلم لیگ (ن) ہائوس کارساز میں قائد اعظم محمد علی جناح اور میاں محمد نواز شریف کی سالگرہ کی تقریب سے غوث علی شاہ خطاب کریں گے۔