وزیراعلیٰ سندھ سے سبکدوش ہونے والے اور نئے ڈی جی رینجرز سندھ کی ملاقات

مراد علی شاہ نے بلال اکبر کی بطور ڈی جی رینجرز خدمات کو سراہا۔

---

KARACHI: وزیراعلیٰ سندھ سے سبکدوش ہونے والے ڈی جی رینجرز بلال اکبر اور نئے ڈی جی میجر جنرل محمد سعید نے ملاقات کی جس میں مراد علی شاہ نے بلال اکبر کی خدمات کو سراہا۔

وزیراعلیٰ سندھ سید مراد علی شاہ سے سبكدوش ہونے والے ڈی جی رینجرز لیفٹیننٹ جنرل بلال اکبر نے نئے ڈی جی رینجرز میجر جنرل محمد سعید كے ہمراہ وزیراعلیٰ ہاؤس میں ملاقات كی۔ اس موقع پر وزیراعلیٰ سندھ نے لیفٹیننٹ جنرل بلال اكبر كی بحثیت ڈی جی رینجرز سندھ خدمات كو سراہا اور ان كی بطور لیفٹیننٹ جنرل كے نئی ذمہ داریوں كے حوالے سے ان كے لیے نیك خواہشات كا اظہار كیا۔

وزیراعلیٰ سندھ نے نئے ڈی جی رینجرز سندھ میجر جنرل محمد سعید كو خوش آمدید كہتے ہوئے انہیں ان كی ذمہ داریوں كے حوالے سے اپنے مكمل تعاون كا یقین دلایا۔