کراچی میں مکمل امن کے حصول کیلئے مزید ٹھوس اقدامات کیے جائیں گےکورکمانڈر کراچی

عوام کا اعتماد رینجرز کےجوانوں کی پیشہ وارانہ کارکردگی کا آئینہ دار ہے، کورکمانڈر کراچی : فوٹو : فائل

---

PESHAWAR: کورکمانڈر کراچی لیفٹیننٹ جنرل شاہد بیگ مرزا کا کہنا ہے کہ کراچی میں حاصل کردہ اہداف کو رینجرز اور عوام مل کر ناقابل واپسی بنائیں گے اور اس حصول کے لئے مزید ٹھوس اقدامات کریں گے۔

ایکسپریس نیوز کے مطابق کور کمانڈر کراچی لیفٹیننٹ جنرل شاہد بیگ مرزا نے ذمہ داریاں سنبھالنے کے بعد رینجرز ہیڈ کواٹرز کا پہلا دورہ کیا،اس موقع پر کورکمانڈر کراچی لیفٹیننٹ جنرل شاہد بیگ مرزا کا کہنا تھا کہ کراچی کا امن رینجرز اور عوام کی قربانیوں کا نتیجہ ہے اور عوام کا رینجرز پر اعتماد جوانوں کی پیشہ وارانہ کارکردگی کا آئینہ دار ہے, شہر قائد میں امن و امان کے قیام کے لئے حاصل کردہ اہداف کو رینجرز اور عوام مل کر ناقابل واپسی بنائیں گے۔

اس خبرکوبھی پڑھیں: رینجرز کی قربانیاں امن آپریشن کی تاریخ ہے

کورکمانڈرکراچی نے کہا کہ کراچی کے امن کو ہرصورت یقینی بنایا جائے گا اور مکمل امن کے حصول کے لئے مزید ٹھوس اقدامات کئے جائیں گے۔

اس خبرکوبھی پڑھیں: لیفٹیننٹ جنرل شاہد بیگ مرزا کورکمانڈر کراچی تعینات