وفاق اور چاروں صوبوں کے درمیان پیٹرولیم مصنوعات کی ترسیل پر سیلز ٹیکس وصولی کاتنازع شدت اختیار کر گیا۔

وزارت پیٹرولیم وقدرتی وسائل نے تنازع کے حل کیلیے آج اعلیٰ سطح کااجلاس طلب کر لیا جس میں ایف بی آر سمیت چاروں صوبوں کے نمائندے شرکت کریں گے۔

ذرائع کے مطابق ایف بی آر کا کہنا ہے پیٹرولیم مصنوعات کی ترسیل پرٹیکس عائدکرنے اور وصولی کا اختیار ایف بی آرکوحاصل ہے۔ دوسری جانب صوبوں کا کہناہے کہ ٹرانسپورٹیشن سروسزکے زمرے میں آتی ہیں اور سروسز پر ٹیکس کا اطلاق صوبوں کا حق ہے ۔