اوکاڑہ میں 2 ٹرکوں میں تصادم سے آگ بھڑک اٹھی 2 افراد جھلس کر جاں بحق

حادثہ تیز رفتاری کے باعث پیش آیا، دوسرے ٹرک کا ڈرائیور فرار. فوٹو: ایکسپریس نیوز

---

رینالہ خرد میں نیشنل ہائی وے بائی پاس پر 2 ٹرکوں میں تصادم کے نتیجے میں آگ بھڑک اٹھی جس سے 2 افراد جھلس کر جاں بحق ہو گئے۔

ایکسپریس نیوز کے مطابق اوکاڑہ کی تحصیل رینالہ خرد میں لاہور سے آنے والا ٹرک مخالف سمت سے آنے والے ٹرک سے ٹکراگیا جس کے نتیجے میں دونوں ٹرکوں میں آگ لگ گئی۔ حادثے کے نتیجے میں لاہور سے آنے والے ٹرک میں سوار 2 افراد موقع پر ہی جھلس کر جاں بحق ہو گئے۔

اس خبر کو بھی پڑھیں: حیدر آباد کے قریب آئل ٹینکرز میں تصادم سے 2 افراد جھلس کر جاں بحق

عینی شاہدین کے مطابق رینالہ خرد سے آنے والے ٹرک کا ڈرائیور موقع سے فرار ہو گیا جب کہ حادثہ تیز رفتاری کا نتیجہ معلوم ہوتا ہے۔