پنجاب حکومت کی کرپشن کے ثبوت نیب کودینگےراجا ریاض

پنجاب اسمبلی میں قائد حزب اختلاف راجہ ریاض احمد نے کہا ہے کہ رپیڈ بس منصوبے پر نیب کا نوٹس لینا منصوبے میں اربوں روپے کی کرپشن کا منہ بولتا ثبوت ہے۔

ہمارے پاس بھی پنجاب حکومت کی کرپشن کے ثبوت ہیںجو وقت آنے پرنیب میں پیش کیے جائیں گے، اگر شفاف احتساب ہو جائے تو بہت سے (ن) لیگیوں کو جیل جانا پڑے گا۔




نیب کی جانب سے ریپیڈ بس منصوبے پر پنجاب حکومت سے معاہدوں کی تفصیلات طلب کیے جانے کے حوالے سے منگل کو گفتگو کرتے ہوئے راجہ ریاض نے کہا کہ ہم نے بہت پہلے یہ کہہ دیا تھا کہ ریپیڈ بس کا منصوبہ غریب عوام کے لیے نہیں بلکہ کمیشن کا منصوبہ ہے اور جتنی بڑی کرپشن اس منصوبے میں ہوئی ماضی میں اس کی مثال نہیں ملتی۔پنجاب حکومت کے منصوبوں میں کسی نہ کسی حوالے سے کرپشن ہوئی ہے اور پیپلز پارٹی کے پاس بھی ثبوت ہیںجووقت آنے پرنیب کو دیے جائیں گے۔