سعودی عرب کی جوڈو پلیئرکے باحجاب مقابلے میں حصہ لینے پر پابندی

سعودی عرب کی جوڈو پلیئر ووجدان شاہیرخانی کے با حجاب اولمپک مقابلے میں حصہ لینے پر پابندی عائد کردی گئی، وہ اپنے ملک کی جانب سے اولمپکس میں پہلی مرتبہ بھیجی جانے والی دو خواتین ایتھلیٹس میں سے ایک ہیں،

انٹرنیشنل جوڈوفیڈریشن کے صدر مارس ویزیر کا کہنا ہے کہ سعودی عریبین ایتھلیٹ جوڈو میں شریک ہوںگی، انھیں گیم اسپرٹ اور ضوابط پر عمل پیرا ہوتے ہوئے بغیر حجاب کے مقابلہ کرنا ہوگا، واضح رہے کہ گلے میں پھندہ لگنے کے خدشے کے نظر جوڈو میں اسکارف پہن کر مقابلہ کرنے پر پابندی ہے،


دلچسپ بات یہ ہے کہ ووجدان کو اس کھیل میں اترے ابھی دو سال بھی نہیں ہوئے اور وہ بلیک بیلٹ بھی نہیں ہیں، ان کا مقابلہ ابتدائی رائونڈ میں پورٹو ریکو کی ورلڈ رینک 13میلیسا موجیکا سے ہوگا۔