پنجاب کے ضمنی انتخابات ایم کیوایم نے سپریم کورٹ میں درخواست دائرکردی

آئندہ ہونے والے عام انتخابات میں اس طرح کے واقعات کی روک تھام کے لئے ضروری اقدامات کئے جائیں۔ ایم کیو ایم کی درخواست

ویب ڈیسک December 26, 2012

متحدہ قومی موومنٹ نے پنجاب کے ضمنی انتخابات میں قانون کی خلاف ورزی پرسپریم کورٹ میں درخواست دائر کردی ہے۔

متحدہ قومی موومنٹ کی سینٹرل ایگزیکٹو کمیٹی کے رکن شاہین انور گیلانی نے سپریم کورٹ لاہوررجسٹری میں پنجاب کے ضمنی انتخابات میں الیکشن کمیشن کے ضابطہ اخلاق اورقانون کی خلاف ورزی پردرخواست دائر کی۔

ایم کیوایم نے سپریم کورٹ لاہوررجسٹری میں دائر کی گئی درخواست میں مؤقف اختیار کیا کہ ان انتخابات کے دوران کی جانے والی دھاندلی فائرنگ اوردیگرپر تشدد واقعات کا نوٹس لیا جائے، ایم کیو ایم نے عدالت سے درخواست میں استدعا کی ہے کہ آئندہ ہونے والے عام انتخابات میں اس طرح کے واقعات کی روک تھام کے لئے ضروری اقدامات کئے جائیں۔