ایشون نے دھونی سے اختلافات کو رد کردیا

ایوارڈملنے پر دھونی کاشکریہ ادا نہ کرنے پر دھونی کے چاہنے والوں نے سوشل میڈیا پرایشون کوکھری کھری سنائی تھی ۔ فوٹو فائل

---

بھارتی آف اسپنر روی چندرن ایشون نے مہندر سنگھ دھونی کے ساتھ کشیدہ تعلقات کی قیاس آرائیوں کو مسترد کردیا۔

روی چندرن ایشون نے آئی سی سی کرکٹر آف دی ایئر ایوارڈملنے پر ماسوائے دھونی کے سب کا شکریہ ادا کیا تھا جس پر محدود اوورز کے کپتان کے چاہنے والوں نے ان کو سوشل میڈیا پر کھری کھری سنائیں۔ جس پر ایشون کا کہنا تھا کہ '' دھونی نے تو اس معاملے کا نوٹس بھی نہیں لیا ہوگا مگر یہ سوشل میڈیا تو دو بھائیوں کو بھی دشمن بنادے''۔ ایشون نے اپنے فالوورسے یہ بھی درخواست کی کہ وہ اپنی 'فنی' پوسٹ میں ان کی اہلیہ پریتھی کو ٹیگ نہ کیا کریں کیونکہ ان کے پاس کرنے کو اور بھی بہت سے کام ہیں۔