سری لنکا کے خلاف دوسرے میچ میں آسٹریلیا کے مچل جونسن نے ٹیسٹ وکٹوں کی ڈبل سنچری مکمل کرلی۔

جیسے ہی وکٹ کیپر میتھیو ویڈ نے کمار سنگاکارا کا بھاگ کر کیچ تھاما تو فاسٹ بولر کی وکٹوں کی تعداد 200 ہوگئی، انھوں نے یہ اعزاز 49 ویں میچ میں حاصل کیا۔واضح رہے کہ جونسن کو سری لنکا کے خلاف پہلے ٹیسٹ میں باہر بٹھایا گیا تھا تاہم بین ہلفنہاس کے انجرڈ ہونے کی وجہ سے اس بار پلیئنگ الیون کا حصہ بنایا گیا،وہ پہلے ہی اس خواہش کا اظہار کرچکے کہ جب تک فٹ ہیں تمام میچز کھیلنا چاہیں گے۔