نوسوئنگ آسٹریلیا میں کوکا بورا کا مستقبل تاریک دکھائی دینے لگا

مچل اسٹارک کے ان سوئنگ نہ کرنے کی بڑی وجہ کوکابورا گیند ہے, کوچ - فوٹو: فائل

---

آسٹریلیا میں کوکا بورا کا مستقبل تاریک دکھائی دینے لگا جب کہ ریڈ بال کے سوئنگ نہ کرنے کی وجہ سے حکام نے آئندہ سیزن میں انگلینڈ کی ڈیوک بال شیفلڈ شیلڈ میں استعمال کرنے پر غور شروع کردیا ہے۔

ویسے بھی کوکا بوراکا کرکٹ آسٹریلیا کے ساتھ گیند سپلائی کا معاہدہ جلد ہی ختم ہونے والاہے۔ آسٹریلوی بولنگ کوچ ڈیوڈ سیکر نے کہاکہ میلبورن میں مچل اسٹارک کے ان سوئنگ نہ کرنے کی بڑی وجہ کوکابورا گیند ہے، میں نے پورے سیزن کے دوران محسوس کیاکہ بولر کوئی بھی ہو یہ گیند اب زیادہ سوئنگ نہیں ہوتی، اس مسئلے کا سنجیدگی سے جائزہ لینا ہوگا۔