ایم کیوایم کا مینڈیٹ کم کرنے کی سازش ہورہی ہےڈاکٹرفاروق ستار

ایم کیوایم کے رہنما ڈاکٹرفاروق ستار نے کہا ہے کہ کراچی کو تقسیم اورایم کیوایم کے مینڈیٹ کو کم کرنے کی سازش میں سیکریٹری الیکشن کمیشن شریک ہیں لگتا ہے کہ ان کااپنا کوئی ایجنڈا ہے۔


لاہورمیں میڈیا سے بات چیت کرتے ہوئے ڈاکٹرفاروق ستار نے کہا کہ میں چیف الیکشن کمیشن سے مطالبہ کرتا ہوں کہ وہ سیکریٹری الیکشن کمیشن کی سرگرمیوں کا نوٹس لیں اوران کے خلاف تادیبی کارروائی کریں۔ انہوں نے کہا کہ چیف الیکشن کمیشن کو فوری طورپرالیکشن کی اصلاحات پرکام شروع کرنا چاہیے۔

ڈاکٹرفاروق ستار نے کہا کہ ملک میں نگران حکومت کا قیام جب بھی عمل میں لایا جائے اس کے لئے تمام اسٹیک ہولڈرزکواعتمادمیں لیناچاہئے،پاکستان اس وقت انتہائی نازک دور سے گزر رہاہے اورملک کوکئی چیلنجز کا سامناہے۔ انہوں نے کہا کہ ایم کیوایم ہر اس تحریک کے ساتھ آوازمیں آوازملائے گی جوعوام کے مفاد کے لئے چل رہی ہیں۔