فلم ’’جڑواں‘‘ کی اداکارہ روپا کی شخصیت ہی بدل گئی

بالی ووڈ کی بلاک بسٹر فلم ''جڑواں'' میں روپا کا کردار ادا کرنے والی اداکارہ رامباہ کی نئی تصاویر سوشل میڈیا پر تیزی سے وائرل ہورہی ہیں جس میں ان کی بدلی شخصیت نے سب کو حیران کردیا ہے۔



اداکارہ رامباہ نے فلمی کیرئیر کا آغاز تامل فلم نگری سے 1993 میں کیا اور جلد ہی شہرت کے باعث 1995 میں ریلیز ہونے والی فلم ''جلاد'' سے بالی ووڈ میں قدم رکھا لیکن انہیں شہرت سلمان خان کے مدمقابل فلم ''جڑواں'' سے حاصل ہوئی جس کے بعد انہوں نے کئی بلاک بسٹر فلموں میں اداکاری کے جوہر دکھائے۔

اس خبر کو بھی پڑھیں:عائشہ ٹاکیہ نے ہونٹوں کی سرجری کراکر اپنی شخصیت ہی بدل ڈالی



اداکارہ رامباہ سلمان خان کے ساتھ ایک اور فلم ''بندھن''میں بھی جلوہ گر ہوئیں اورخوب شہرت سمیٹی جب کہ رامباہ اداکاری کے ساتھ ساتھ اپنی خوبصورتی کے باعث جلدہی فلم نگری میں قدم جمانے میں کامیاب ہوگئیں اور متعدد سپر اسٹار کے ساتھ فلموں میں اپنی صلاحیتوں کا مظاہرہ کیا۔




اداکارہ رامباہ نے کیرئیر کے عروج پر ہی بالی ووڈ کو خیرباد کہہ دیا تھا لیکن مقامی فلم نگری میں اداکاری کے جوہر دکھاتی رہیں تاہم 2010 میں بھارتی نژاد کینیڈین بزنس مین سے شادی کرکے کینیڈا میں سکونت اختیار کرلی۔

اس خبر کو بھی پڑھیں:فلم ''کبھی خوشی کبھی غم'' کی ننھی اداکارہ ملویکا راج کو پہچاننا آسان نہیں



اداکارہ رامباہ فلم نگری کو ہمیشہ کے لیے چھوڑ نے کے بعد مکمل طور پر گھریلو زندگی گزار رہی ہیں اور بیٹیوں کی پرورش میں مصروف عمل ہیں جب کہ ماضی کی خوبرو اداکارہ کی تصاویر سوشل میڈیا پر تیزی سے وائرل ہورہی ہیں جس میں ان کی شخصیت ہی بدل گئی ہے۔



اداکارہ رامباہ کی نئی تصاویر میں بدلی شخصیت پرمداح بھی حیران ہیں اوراداکارہ کی تصاویر کوبے حد پسند کیا جارہا ہے۔