الوداعی سیزن بولٹ 100 میٹر ریس تک محدود 

فی الحال یہ میرا آخری سیزن ہے اس لیے میں اس سے پوری طرح لطف اندوز ہونا چاہتا ہوں - فوٹو : اے ایف پی/ فائل

---

KARACHI: جمیکا کے ٹریک سپر اسٹار یوسین بولٹ نے اپنے الوداعی سیزن میں خود کو 100 میٹر ریس تک محدود کرنے کا فیصلہ کرلیا۔

اولمپکس میں 9 گولڈ میڈلز حاصل کرنے والے بولٹ نے کہا کہ فی الحال یہ میرا آخری سیزن ہے اس لیے میں اس سے پوری طرح لطف اندوز ہونا چاہتا ہوں، گذشتہ 10 برس کے دوران میں نے بہت زیادہ محنت کی اس لیے میری توجہ اب 100 میٹر پر رہے گی تاکہ میں زیادہ دباؤ لیے بغیر لطف اندوز ہوسکوں۔

100 میٹرز (9.58سیکنڈز) اور 200 میٹرز (19.19) کا ریکارڈ یوسین بولٹ کے پاس ہی ہے،وہ اولمپکس میں مسلسل تین مرتبہ 100 اور 200 میٹرز کے ساتھ 1002354 میٹر ریلے بھی جیت چکے ہیں۔ انہوں نے کہا کہ میرا 2017 میں پلان خود کو مصروف رکھنے اور زیادہ سے زیادہ اپنے شائقین کو محظوظ کرنا ہے۔