40 ارب کی ادائیگیاںآئی پی پیزکی پاورپلانٹس بندکرنیکی دھمکی

ملک میں بجلی پیدا کرنے والی چارخودمختارکمپنیوں نے وزارت پانی وبجلی کی جانب سے 24 ارب روپے کی قسط وارادائیگیاںلینے سے انکارکردیاہے اورحکومت کو انتباہ کیاہے کہ اگریک مشت چالیس ارب روپے کے واجبات نہ دیے گئے تو پاورپلانٹس بندکردیے جائیںگے۔


سپریم کورٹ کے حکم پرآئی پی پیزکو واجبات کی ادائیگی کے حوالے سے وفاقی سیکریٹری پانی وبجلی ظفرمحمود کی زیرصدارت اجلاس ہواجس میںنیشنل ٹرانسمیشن ڈسپیچ کمپنی کے حکام اورآئی پی پیزکے سی ای اوز نے شرکت کی اجلاس میںشریک ایک اعلیٰ افسر نے ایکسپریس کوبتایاکہ آئی پی پیز اوروزارت پانی وبجلی کے درمیان 40 ارب روپے کے واجبات کی ادائیگیوںکے تنازع پرڈیڈلاک پیدا ہوگیامذاکرات میںآئی پی پیزکا موقف تھا کہ چالیس ارب روپے بیک وقت اداکیے جائیں۔

تاہم وزارت کے حکام نے 8 ارب روپے کی چارقسطوں میںادائیگیاں کرنے کی پیشکش کی جسے مستردکردیاگیاواضح رہے کہ آئی پی پیزنے اپنے واجبات کی وصولی کیلیے سپریم کورٹ سے رجوع کررکھا ہے اورسپریم کورٹ نے حکومت کودوہفتوں کی مہلت دیتے ہوئے ادائیگیوںکامعاملہ نمٹانے کاحکم دیاہواہے جس پرمذاکرات کیے گئے تاہم یہ ناکام ہو گئے ہیں ۔