شہید ہونے والوں میں سے ایک اہلکار کا نام شیراز ہے۔ فوٹو: ایکسپریس نیوز
ایف آر پشاور کے علاقے حسن خیل میں لیویز چیک پوسٹ پر شدت پسندوں کے حملے میں 2 اہلکار شہید اور ایک زخمی ہوگیا جبکہ درجنوں اہلکار تاحال لاپتا ہیں۔
مقامی انتظامیہ کے مطابق شدت پسندوں نے جانی خوڑ اور حسن خیل میں رات گئے راکٹوں اور بھاری ہتھیاروں سے چیک پوسٹ پر حملہ کردیا جس سے 2 اہلکار شہید اور ایک زخمی ہوگیا۔ شہید ہونے والوں میں سے ایک اہلکار کا نام شیراز ہے۔
حملے سے لیویز کے 2 کیمپوں کو بھی نقصان پہنچا جبکہ درجنوں اہلکار لاپتا ہوگئے ہیں جن کی تلاش کے لئے علاقے میں سیکیورٹی فورسز کا سرچ آپریشن جاری ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔