شاہ رخ خان کا یوسف پٹھان کو ہیلمٹ کے بجائے پگڑی باندھ کر کھیلنے کا مشورہ

شاہ رخ خان نے یہ مشورہ یوسف پٹھان کی جانب سے ٹویٹ کی جانے والی ایک تصویر پر تبصرہ کرتے ہوئے کیا، فوٹو : فائل

---

BAHAWALPUR: شاہ رخ خان نے یوسف پٹھان کو ہیلمٹ کے بجائے پگڑی باندھ کر کھیلنے کا مشورہ دیا ہے۔

آئی پی ایل ٹیم کولکتہ نائٹ رائیڈرز کے مالک اور بالی ووڈ اداکار شاہ رخ خان نے اپنی ٹیم میں شامل یوسف پٹھان کو ہیلمٹ کے بجائے پگڑی باندھ کر کھیلنے کا مشورہ دے دیا۔ انھوں نے یہ مشورہ یوسف پٹھان کی جانب سے ٹویٹ کی جانے والی ایک تصویر پر تبصرہ کرتے ہوئے کیا۔ یوسف نے اپنی ایک تصویر شیئر کی تھی جس میں وہ راجستھانی لباس میں ملبوس گھڑ سواری کررہے ہیں، سر پر روایتی پگڑی ہے اور ساتھ میں تلوار بھی ہے۔

Kya lag rahe ho! Wear this instead of the helmet this season. Anyway the bowlers need it when u r batting not u. https://t.co/g8pIsAIcNr

— Shah Rukh Khan (@iamsrk) December 30, 2016

اس پر شاہ رخ خان نے ٹویٹ کیا کہ 'کیا لگ رہے ہو، اس سیزن میں ہیلمٹ کے بجائے یہی پہننا، ویسے اس کی بولرز کو ضرورت ہے جب آپ بیٹنگ کررہے ہو، آپ کو نہیں'' جب کہ اس ٹوئٹ کے جواب میں یوسف پٹھان نے بھی کنگ خان کا شکریہ ادا کرتے ہوئے فلم ''رئیس'' کے ٹریلر کی تعریف کی اور نئے سال کی مبارکباد پیش کی۔

Haha. Thank you @IamSRK Bhai.
Excited about Raees, the trailer is fantastic.

Best wishes for the New Year to you Bhabhi and kids. https://t.co/cefby39yOF

— Yusuf Pathan (@iamyusufpathan) December 31, 2016