پی ایس ایل نے پی سی بی کا کلچرتبدیل کردیا نجم سیٹھی

KARACHI:
پی سی بی کی ایگزیکٹو کمیٹی کے سربراہ نجم سیٹھی نے کہا ہے کہ پی ایس ایل نے پی سی بی کا کلچرتبدیل کردیاہے۔


لاہور میں ایک کتاب کی تقریب رونمائی میں میڈیا سے بات کرتے ہوئے انہوں نے کہا کہ ملک میں باصلاحیت کرکٹرز کی کمی نہیں لیکن ان کو مواقع نہیں مل رہے تھے، ٹیلنٹ ہنٹ پروگرام میں بہت سے نئے کھلاڑی پی ایس ایل کا حصہ بن رہے ہیں، ٹوئنٹی 20ہمارے لیے نئی چیز تھی،اس لئے ہارتے رہے، لیگ ہمیں ماڈرن کرکٹ کے قریب لے آئی ہے، انہوں نے کہا کہ ماضی میں پی سی بی میں بہت سے سیاسی لوگ تھے،گھوسٹ ملازمین بھی بڑی تعداد میں بھرتی کئے گئے،اب صورتحال تیزی سے تبدیل ہورہی ہے،نئے ٹیلنٹ کی تلاش کیلیے کلب اور سکول کرکٹ کے منصوبے شروع کررہے ہیں،اس کے مستقبل میں بہترین نتائج برآمد ہوں گے۔