بھارت سے پانی میں کمی آزاد کشمیر میں بجلی کا بحران شدید ہوگیا

مقامی ہائیڈرو منصوبوں کی پیداوار میں 80 فیصدکمی، بھارت پانی بھی روک رہا ہے۔

اعجاز احمد میر January 02, 2017

مقبوضہ کشمیر سے آنے والے دریاؤں اور ندی نالوں میں پانی کی مقدار انتہائی کم ہوگئی ہے. فوٹو فائل

شدید خشک سالی کے ساتھ ساتھ بھارت نے دریاؤںکا پانی روکنے کے بعد مقبوضہ جموں و کشمیر سے آنے والے چھوٹے ندی نالوں کا بھی تقریباً 50 فیصد پانی روکنا شروع کر دیا۔

آزاد کشمیر میں مقامی سطح پر بجلی پیدا کر نے والے 8 پاور ہاؤسز پر بجلی کی پیداوار میں تقریباً 80 فیصدکمی آئی ہے، دارالحکومت مظفرآباد اور اس کے ملحقہ اضلاع ہٹیاں بالا اور وادی نیلم میں بجلی کا بحران شدت اختیار کر گیا ہے۔

گزشتہ کئی ماہ سے آزاد و مقبوضہ کشمیر میں بارشوں اور برف باری کا سلسلہ نہ ہو نے کی وجہ سے مقبوضہ کشمیر سے آنے والے دریاؤں اور ندی نالوں میں پانی کی مقدار انتہائی کم ہوگئی ہے، اس کے ساتھ ساتھ بھارت نے سندھ طاس معاہدے کی خلاف ورزی کرتے ہوئے آزاد کشمیر آنے والے دریاؤں اور ندی نالوں کا پانی روکنا شروع کر رکھا ہے جس کی وجہ سے یہاں آنے والے پانی کی مقدار تاریخ کی کم ترین سطح پر پہنچ چکی ہے۔