متحدہ کے وفد کی بے نظیر کی برسی کے اجتماع میں شرکت

متحدہ قومی موومنٹ کی رابطہ کمیٹی کے ارکان اشفاق منگی اورڈاکٹرصغیراحمدکے ہمراہ ایم کیو ایم کے وفدنے گڑھی خدابخش میں پیپلزپارٹی کی چیئرپرسن اور سابق وزیراعظم بینظیربھٹوشہیدکی پانچویں برسی کے موقع پر مزار پر حاضری دی اور برسی کے اجتماع میں شرکت کی۔


ایم کیوایم کے وفدمیںصوبائی وزراء عبد الحسیب، نثار احمد پنہور ،سینٹرل ایگزیکٹیوکونسل کے ارکان عبد الوحید عباسی ،پیر فرزند علی شاہ،سندھ تنظیمی کمیٹی کے انچارج عمرقریشی وارکان اور سکھراورلاڑکانہ زونل کمیٹی کے انچارجز و ارکان کے علاوہ دیگرذمہ داران وکارکنان بھی شامل تھے۔

وفدنے مزارپرفاتحہ خوانی کی اورقائدتحریک الطاف حسین کی جانب سے شہیدمحترمہ بینظیربھٹو، شہید ذوالفقارعلی بھٹو،بیگم نصرت بھٹو،میر مرتضیٰ بھٹو شہید اور شاہنواز بھٹو کی قبروں پر چادریں چڑھائی اورفاتحہ خوانی کی۔اس موقع پرپیپلزپارٹی کے رہنماآغاسراج درانی،ایازسومرو امیرمینگل سے ملاقات کی اورقائدتحریک الطاف حسین کی جانب سے دلی تعزیت وہمدرردی کااظہاربھی کیا۔