ISLAMABAD: تجربہ کار اسپنر رنگانا ہیراتھ نے ٹیسٹ میں زیادہ وکٹیں لینے والے سری لنکن بولرز میں چمندا واس کو پیچھے چھوڑتے ہوئے دوسری پوزیشن حاصل کرلی۔

سری لنکا کے رنگانا ہیراتھ نے یہ کارنامہ جنوبی افریقہ کیخلاف جاری ڈربن ٹیسٹ کی پہلی اننگز میں 2وکٹیں لے کر انجام دیا، اس پرفارمنس کے بعد ان کے مجموعی شکاروں کی تعداد 77 ویں مقابلے میں اب تک 356 ہوچکی، چمندا واس 355وکٹوں کے ساتھ تیسرے نمبر پر چلے گئے، مرلی دھرن 795وکٹیں لے کربدستور ٹاپ سری لنکن بولر ہیں، اس فہرست میں سورنگا لکمل بھی 75وکٹیں جوڑکر 9ویں نمبر پر ہیں۔