میسی تمہارے والد سے اچھا فٹبالر ہےرونالڈو کے بیٹے کو بچے چھیڑنے لگے

میرا بیٹا بھی فٹبالر بنا تو مجھے خوشی ہوگی مگر میں اس پر کوئی دباؤ نہیں ڈالوں گا،رونالڈو ۔ فوٹو فائل

---

رئیل میڈرڈ کے سپر اسٹار کرسٹیانو رونالڈو کا بارسلونا کے لیونل میسی سے موزانہ گھر تک پہنچ گیا، انھوں نے انکشاف کیاکہ لوگ6 سالہ بیٹے کرسٹیانو جونیئر کو چھیڑتے ہیں کہ ان کے والد سے بھی بہتر فٹبالر موجود ہے۔

رونالڈو کا ہمیشہ ہی اپنے ہم عصر اور اسپینش لیگ کے حریف پلیئر میسی سے موازنہ رہا ہے، اب یہ باتیں خود ان کے گھر میں ہورہی ہیں۔ رونالڈو نے کہاکہ میرا 6 سالہ بیٹا جانتا ہے کہ ایسی باتوں سے کیسے نمٹنا ہے، میں اسے سمجھاتا ہوں کہ وہ خوش اخلاقی کا مظاہرہ کیا کرے کیونکہ دنیا میں حاسد لوگوں کی کمی نہیں ہے، ایک سوال پر انھوں نے کہا کہ اگر میرا بیٹا بھی فٹبالر بنا تو مجھے خوشی ہوگی مگر میں اس پر کوئی دباؤ نہیں ڈالوں گا، اگر اس نے فٹبالر بننا چاہا تو میری کوشش ہوگی کہ وہ گول کیپر کے بجائے فارورڈ بنے۔