سی این جی نہ ملنے پر جیالوں کا انڈس ہائی وے پر دھرنا

احتجاج کا نوٹس لیتے ہوئے سیہون انتظامیہ نے بند سی این جی اسٹیشن کھلوا کر جیالوں کو گیس فراہم کی جس کے بعد انھوں نے احتجاج ختم کر دیا۔ فوٹو: فائل

---

سی این جی کی عدم فراہمی پر گڑھی خدا بخش سے لوٹنے والے جیالوں کا احتجاجی مظاہرہ اور دہرنا۔

تفصیلات کے مطابق شہید بینظیر بھٹو کی برسی میں شرکت کے بعد واپس آنیوالے جیالوں نے سی این جی اسٹیشن کی بندش کے خلاف انڈس ہائی وے پر صوبائی وزیر تعلیم پیر مظہر الحق کے سی این جی اسٹیشن کے سامنے ٹائر نذر آتش کرکے احتجاجی مظاہرہ کیا۔ احتجاج کا نوٹس لیتے ہوئے سیہون انتظامیہ نے بند سی این جی اسٹیشن کھلوا کر جیالوں کو گیس فراہم کی جس کے بعد انھوں نے احتجاج ختم کر دیا۔ یاد رہے کہ سندھ بھر میں48گھنٹوں کے لیے تمام سی این جی اسٹیشن بند ہیں۔