بھٹائی کے میلے میں ملھ مقابلے لطیفی راگ جاری

ملھ پہلوانوں کے مقابلے کو دیکھنے کیلیے ہزاروں شائقین نے ملاکھڑا اسٹیڈیم کو بھر دیا۔ فوٹو: فائل

---

SANYA, CHINA: شاہ لطیف بھٹائی کے میلے میں ملاکھڑا اسٹیڈیم بھٹ شاہ میں سندھ کے نامور ملھ پہلوانوں کے درمیان کانٹے کے مقابلے ہوئے مقابلوں میں جان محمد لنڈ'علی نواز میتلو، لال رحیم پٹھان، واحد ملاح، سجاد ملاح، زاہد صفدر، انور بروہی سمیت دیگر نے حصہ لیا۔

ملھ پہلوانوں کے مقابلے کو دیکھنے کیلیے ہزاروں شائقین نے ملاکھڑا اسٹیڈیم کو بھر دیا تھا، جبکہ ملھ کے مقابلے کل دوسرے روز بھی جاری رہینگے،اور تیسرے روز فائنل مقابلے میں پہلوانوں میں انعام تقسیم کیے جائینگے۔



دوسری جانب آڈیٹوریم ہال میں راگ رنگ کی محفل میں پورے سندھ سے مشہور فنکار اپنے فن کا مظاہرہ کر رہے ہیں ، فنکاروں اور گلوکاروں میں دیبا سحر، دیبا کنول، شھنیلا علی، ذوالفقار مظہر، صنم ماروی، ضامن علی، شامل ہیں جبکہ عرس کے تیسرے روز عابدہ پروین اپنے فن کا مظاہرہ کرینگی۔