پولیس مقابلے میں 2 ملزمان گرفتار چھینی گئی موٹر سائیکل برآمد

پولیس نے ملزمان کا تعاقب کرتے ہوئے جوابی فائرنگ کے بعد 2 ملزمان محمد رضا اور انور علی کو گرفتار کر کے ملزمان کے قبضے سے ایک پستول اورایک موٹر سائیکل برآمد کر لی۔ فوٹو: فائل

---

گلستان جوہر میں پولیس نے فائرنگ کے تبادلے کے بعد 2 ملزمان کو گرفتار کر کے چھینی گئی موٹر سائیکل اور اسلحہ برآمد کر لیا۔

تفصیلات کے مطابق ایس ایچ او گلستان جوہر انسپکٹر ارشاد احمد گبول نے پولیس پارٹی کے ہمراہ کامران چورنگی کے قریب اسنیپ چیکنگ کے دوران موٹر سائیکل پر سوار مشتبہ افراد کو رکنے کا اشارہ کیا جس پر ملزمان نے فرار ہوتے ہوئے پولیس پارٹی پر فائرنگ کر دی۔

پولیس نے ملزمان کا تعاقب کرتے ہوئے جوابی فائرنگ کے بعد 2 ملزمان محمد رضا اور انور علی کو گرفتار کر کے ملزمان کے قبضے سے ایک پستول اورایک موٹر سائیکل برآمد کر لی۔