ثنامیرآئی سی سی ویمن عالمی کپ کوالیفائر2017 مقابلوں میں پاکستانی14 رکنی ٹیم کی قیادت کریں گی جب کہ بسمہ معروف نائب کپتان ہوں گی، نوبیاہتا سینئر ویمن کرکٹرنین عابدی بھی ٹیم کا حصہ ہیں، ایونٹ کے لیے ٹیم آفیشلزکا اعلان مشاورت کے بعدکیا جائیگا، اقبال امام کوہیڈکوچ کی ذمے داری تفویض کی جاسکتی ہے۔
انگلینڈ میں شیڈول ورلڈکپ کے لیے سری لنکا میں کھیلے جانے والے کوالیفائنگ راؤنڈکے لیے پاکستان ویمن اسکواڈ کا اعلان چیئرمین پی سی بی شہر یار خان کی منظوری سے گذشتہ روزکیا گیا، فرخ زمان اور عروج ممتاز پر مشتمل ویمن قومی سلیکشن کمیٹی نے14 رکنی ٹیم کے ساتھ 2 اسٹینڈ بائی کھلاڑیوں کا بھی انتخاب کیا، منتخب ٹیم کی کھلاڑیوں میں کپتان ثنامیر، نائب کپتان بسمہ معروف ، جویریہ ودود، عائشہ ظفر، ناہیدہ بی بی، سیدہ نین عابدی، سدرہ امین، سدرہ نواز، عالیہ ریاض، ناصرہ سندھو، غلام فاطمہ، انعم امین، ایمن انوراورماہم طارق شامل ہیں، رابعہ شاہ اورنتالیہ پرویز اسٹنیڈ بائی کھلاڑی ہوں گی۔