برسبین ٹینسنڈال کوارٹرفائنل میں ناکامہوپ مین کپ میں فیڈررکی ٹیم ہارگئی

فرنچ جوڑی نے سوئس پلیئرزکو 1-2 سے مات دیکر فائنل میں جگہ بنالی ۔ فوٹو فائل

---

رافیل نڈال کا قصہ برسبین انٹرنیشنل ٹینس کے کوارٹر فائنل میں تمام ہوگیا، انھیں ٹاپ سیڈ میلوس راؤنک نے ہرادیا۔

راؤنڈ8 کے دیگر میچز میں سیکنڈ سیڈ اسٹینسلس واورنیکا نے کائیل ایڈمنڈ کوقابو کیا، گریگور دیمیتروف نے ڈومنیک تھیم اور تھرڈ سیڈ جاپانی اسٹار کائی نیشکوری نے آسٹریلیا کے جورڈن تھامپسن کی پیش قدمی ختم کردی، ویمنز سنگلز میں آلیزکورنیٹ نے گاربین مگروزا کے 1-4 پرریٹائرڈ ہوجانے پرفائنل کا ٹکٹ حاصل کرلیا، دوسرے سیمی فائنل میں کیرولینا پلسکووا نے یوکرینی حریف الینا سویٹولینا کوزیرکیا۔ دوسری جانب ہوپ مین کپ ٹینس ٹورنامنٹ میں راجرفیڈررکی عمدہ پرفارمنس کے باوجود سوئٹزرلینڈ فائنل میں جگہ نہیں بناسکا، فرنچ جوڑی نے سوئس پلیئرزکو 1-2 سے مات دیکر فائنل میں جگہ بنالی، جہاں ان کا سامنا امریکی ٹیم سے ہوگا، فیڈرر نے مینز سنگلز میں رچرڈ گیسکوئٹ کو مات دی، ویمنز سنگلزمیں بیلینڈا بینسک کو فرنچ پلیئر کرسٹینا میلڈینووک نے زیر کرلیا، مکسڈ ڈبلزمیں فرنچ جوڑی کامیاب رہی، اس سے قبل گروپ کی دوسری ٹائی میں جرمنی نے برطانیہ کیخلاف 1-2 سے فتح پائی۔