بورڈ چیف کو ’’احمق‘‘ کہنے والے ڈیرن براوو ڈومیسٹک ٹیم سے بھی باہر

براوو کی دستیابی اس صورت قابل قبول ہوگی جب وہ بورڈ کے ساتھ مل بیٹھ کر اپنے مسائل حل کریں گے،سورج رگوناتھ ۔ فوٹو : فائل

---

ٹرینیڈاڈ اینڈ ٹوباگو نے ڈیرن براوو کوڈومیسٹک ون ڈے کپ کیلیے ٹیم سے باہر کردیا۔

ایونٹ کا آغاز 24 جنوری سے ہورہا ہے، ٹی ٹی سی بی کے چیف ایگزیکٹیو سورج رگوناتھ کا کہنا ہے کہ ڈیرن براوو کی دستیابی صرف اس صورت قابل قبول ہوگی جب وہ بورڈ کے ساتھ مل بیٹھ کر اپنے مسائل حل کریں گے۔

اس خبر کو بھی پڑھیں :ڈیرن براوو کا سینٹرل کنٹریکٹ منسوخ

یاد رہے کہ گذشتہ برس دورہ زمبابوے کے دوران براوو کو سی کیٹیگری ملنے پر ویسٹ انڈین بورڈ کے صدر ڈیوڈ کیمرون نے فارم کو تنقید کا نشانہ بنایا تھا، جواب میں براوو نے کیمرون کو بڑا احمق قرار دیا تھا۔ دسمبر میں بورڈ کی جانب سے انھیں معاملات طے کرنے کیلیے میٹنگ کی خاطر بلایا گیا مگر الٹا انھوں نے قانونی نوٹس ہی بھیج دیا تھا۔