نیا دستور تمام مصریوں کے حقوق کی حفاظت کرتا ہے صدر مرسی

عوام کو اب تعمیری کاموں اور سنجیدگی کی جانب بڑھنا چاہیے، سینیٹ سے پہلا خطاب۔ فوٹو: رائٹرز/فائل

---

مصر کے صدر محمد مرسی نے کہا ہے کہ نیا منظور کردہ دستور تمام مصریوں کے حقوق کی حفاظت کرتا ہے۔

سینیٹ سے اپنے پہلے خطاب میں انھوں نے خبردار کیا کہ ملک میں اگر احتجاج اور مظاہروں کا نیا سلسلہ شروع ہوا تو معاشی بحالی خطرے میں پڑ جائے گی۔صدر مرسی نے کہا کہ عوام کو اب تعمیری کاموں اور سنجیدگی کی جانب بڑھنا چاہیے، میری حکومت ملک میں معاشی سرگرمیوں میں تیزی اور ملازمتوں کے مواقع پیدا کرے گی۔



دوسری طرف مصر کی اپوزیشن نے صدرمرسی کی حکومت پر الزام لگایا ہے کہ وہ اپوزیشن کا پوری طرح صفایا چاہتی ہے۔ مرکزی اپوزیشن اتحاد کے ترجمان حسین عبدالغنی نے مرسی کے حامی اسلام پسندوں پر الزام لگایا کہ وہ حکومت مخالفین کو منظر سے ہٹانے کے متمنی ہیں۔