ہاشم آملا نے ٹیسٹ میچز کی سنچری مکمل کرلی

جنوبی افریقی بیٹسمین ہاشم آملا نے ٹیسٹ میچز کی سنچری مکمل کرلی ہے۔


وہ یہ اعزاز پانے والے آٹھویں جنوبی افریقی کرکٹر بن گئے، ان سے قبل جیک کیلس، مارک باؤچر، گریم اسمتھ، شان پولاک، اے بی ڈی ویلیئرز، گیری کرسٹن اور مکھایا این تینی بھی 100 یا زائد ٹیسٹ کھیل چکے ہیں،اس سنگ میل پر پہنچنے سے قبل آملاکی حالیہ کارکردگی مایوس کن تھی مگر سنچری ٹیسٹ میں انھوں نے سنچری بنا کر میچ کو یادگار بنادیا۔ میچ سے قبل انھیں خصوصی کیپ، شرٹ، میڈل اور فریم شدہ تصویر کا تحفہ پیش کیا گیا۔