اسامہ بن لادن کے خلاف امریکی آپریشن کی تحقیقات کیلیے قائم ایبٹ آباد کمیشن وزیراعظم راجا پرویز اشرف کو آئندہ 72 گھنٹے میںاپنی رپورٹ پیش کردیگا۔

کمیشن کے سربراہ جسٹس (ر) جاوید اقبال کی وزیراعظم سے ملاقات یکم جنوری کو متوقع ہے۔ ذرائع کے مطابق 300 سے زائد شخصیات کے بیانات پر مشتمل 400 سے زائد صفحات کی اس رپورٹ پر جسٹس (ر) جاوید اقبال اور کمیشن کے ارکان لیفٹیننٹ جنرل (ر) ندیم تاج، سابق آئی جی صوبہ خیبرپختو نخوا عباس خان اور امریکا میں سابق پاکستانی سفیر جہانگیر اشرف قاضی نے دستخط کردیے ہیں۔