محمد یوسف نے سچن ٹنڈولکر کو ویرات کوہلی سے بڑا کرکٹر قرار دے دیا

ٹنڈولکرنےاپنےدورمیں دنیاکی بہترین ٹیموں کےخطرناک ترین فاسٹ بولرزاوراسپنرز کےخلاف کرکٹ کھیلی،محمد یوسف ۔ فوٹو: فائل

---

KARACHI: قومی کرکٹ ٹیم کے سابق کپتان محمد یوسف نے بھارتی سچن ٹنڈولکر کو ویرات کوہلی سے بڑا کرکٹر قرار دے دیا۔

غیر ملکی خبر رساں ادارے سے بات چیت میں محمد یوسف نے کہاکہ بلاشبہ ویرات کوہلی غیر معمولی قابلیت رکھنے والے کرکٹر ہیں تاہم میں ٹنڈولکر کو اس لیے بھی زیادہ بہترمانتا ہوں کیونکہ انھوں نے اپنے دور میں دنیا کی بہترین ٹیموں کے خطرناک ترین فاسٹ بولرز اور اسپنرز کے خلاف کرکٹ کھیلی، میں نہیں سمجھتا کہ ویرات کوہلی کو بھی ماضی کی طرح مضبوط ٹیموں کے بڑے بولرز کا سامنا ہے۔