عرس صوفی شاہ عنایت کی تقریبات دوسرے روز بھی جاری

عرس کے تیسرے روز گدی نشین صوفی عطاللہ ستاری اجتعماعی دعا مانگ کر عرس کی تقریبات کا اختتام کرینگے۔ فوٹو: فائل

---

حضرت صوفی شاہ عنایت شہید کے عرس کی تقریبات دوسرے روز بھی جاری رہیں۔

جسقم کے چیئرمین صنعان قریشی سمیت دیگر سیاسی، سماجی اور مذہبی شخصیات نے درگاہ شریف پر پھولوں کی چادریں چڑھائیں اور دعائیں مانگیں۔ تفصیلات کے مطابق حضرت صوفی شاہ عنایت شہید کے عرس کی تقریبات دوسرے روز بھی جھوک شریف میں جاری رہیں جبکہ جسقم کے چیئرمین صنعان قریشی سمیت سیاسی و سماجی مذہبی اور زندگی کے مختلف شعبوں سے تعلق رکھنے والے افراد نے درگاہ شریف پر پھولوں کی چادریں چڑھائیں اور دعائیں مانگی۔

عرس کے دوسرے روز صوفیانہ محفل بھی منعقد کی گئی جس میں شفیح فقیر، صادق فقیر سمیت سندھ کے نامور فقیروں نے ساری رات صوفیانہ کلام گا کر سننے والوں پر وجد طاری کر دیا۔ عرس کے تیسرے روز گدی نشین صوفی عطاللہ ستاری اجتعماعی دعا مانگ کر عرس کی تقریبات کا اختتام کرینگے۔