کراچی پولیس کا عوام کوچونا مسروقہ موٹرسائیکلیں کباڑیوں کے قابل بھی نہ چھوڑیں

ایسی موٹرسائیکلیں تو کباڑیا بھی نہیں لے گا، شہریوں کی دہائی فوٹو: فائل

---

پولیس نے شہر کے عوام کو ان کی مسروقہ موٹرسائیکلوں کے نام پر کباڑ لوٹا کرماموں بنادیا۔

کراچی پولیس کی جانب سے ایک تقریب منعقد کی گئی جس میں 700 سے زائد شہریوں کو ان کی مسروقہ یا چھینی گئی موٹرسائیکلیں لوٹائی گئیں لیکن ان موٹر سائیکلوں کے مالک یہ دیکھ کرحیران رہ گئے جو چیزیں انہیں لوٹائی جارہی ہیں وہ کباڑ سے زائد کچھ نہیں، ہرموٹرسائیکل سے کوئی نا کوئی اہم پرزہ غائب ہے، درجنوں موٹرسائیکلیں تو انجن سے ہی محروم تھیں۔

وہاں موجود شہریوں کا کہنا تھا کہ موٹرسائیکلوں کی حالت زارایسی ہے کہ اسے دوبارہ چلانے کے قابل بنانے میں جتنی رقم خرچ ہوگی اس سے دوسری موٹرسائیکل خریدی جاسکتی ہے اورکئی موٹرسائیکلوں کوتو کباڑیا بھی نہیں خریدے گا۔