رینجرز کا گولیمار میں مکان پر چھاپہ 4 ملزمان گرفتار اور اسلحہ برآمد

ملزمان کے قبضے سے منشیات بھی برآمد ہوئی جو گھر کے خفیہ خانوں میں چھپائی گئی، ترجمان رینجرز، فوٹو؛ فائل

---

رینجرز نے گولیمار میں گھر پر چھاپہ مار کر 4 ملزمان کوگرفتارکرلیا جن قبضے سے اسلحہ اور منشیات برآمد ہوئی ہے۔

ایکسپریس نیوز کے مطابق رینجرز نے کراچی کے علاقے گولیمار میں گھر پر چھاپہ مار کر4 ملزمان افتخار، شریف، عدیل اور شیخ عمران کو گرفتار کرلیا۔ ترجمان رینجرز کے مطابق ملزمان کے قبضے سے 78 کلو چرس، 8 کلوہیروئن، اسلحہ اور 5 لاکھ روپے برآمد ہوئے ہیں جو انہوں نے گھر کے خفیہ خانوں میں چھپا رکھے تھے۔ ترجمان نے بتایا کہ ملزمان کو قانونی چارہ جوئی کے لیے اینٹی نارکوٹکس فورس کے حوالے کردیا گیا ہے۔