سعودی عرب کے شہرجدہ میں 2 خود کش بمبار نے خود کو دھماکے سے اڑالیا

سیکیورٹی فورسز نے مکان پر چھاپہ مارا تو خود کش بمباروں نے خود کو دھماکے سے اڑا لیا۔ فوٹو: بشکریہ الجزیرہ

---

سعودی عرب کے شہر جدہ کے نواح میں سیکیورٹی فورسز کے آپریشن کے دوران 2 خودکش بمباروں نے خود کو دھماکے سے اڑا لیا جس کے نتیجے میں عمارت مکمل طور پر تباہ ہوگئی۔

غیرملکی خبررساں ادارے کے مطابق سعودی شہر جدہ کے نواحی علاقے میں سیکیورٹی فورسز نے ایک مکان پر چھاپہ مارا جس کے بعد اس میں موجود 2 افراد نے اہلکاروں پر فائرنگ کردی جس کے بعد دو طرفہ فائرنگ کے تبادلے کے بعد خودکش بمباروں نے خود کو دھماکے سے اڑا لیا۔ زور دار دھماکوں کے نتیجے میں مکان مکمل طور پر تباہ ہوگیا جب کہ سیکیورٹی فورسز نے بمباروں کے اعضا اکٹھے کرنے کے بعد تحقیقات شروع کردی۔

#VIDEO: Two ‘#terrorists’ blow themselves up in #Jeddah security operation. — Courtesy Al Arabiya #SaudiArabia pic.twitter.com/zz4yVTPtrE

— Saudi Gazette (@Saudi_Gazette) January 21, 2017

دوسری جانب سعودی وزارت داخلہ کی جانب سے خودکش بمباروں سے متعلق کوئی بیان سامنے نہیں آیا اورنہ ہی ان کی شناخت سے متعلق کوئی معلومات فراہم کی گئیں۔