گوجرہ میں کارٹرین کی زد میں آنے سے 6 افراد جاں بحق

گوجرہ میں کار کراچی سے لاہور جانے والی شالیمار ایکسپریس کی زد میں آنے کے نتیجے میں گاڑی میں سوار 6 افراد موقع پر ہی جاں بحق ہو گئے۔

ایکسپریس نیوز کے مطابق گوجرہ کے قریب چک 93 ج ب میں ایک کار ریلوے کراسنگ پر کھلے پھاٹک سے گزر رہی تھی کہ کراچی سے لاہور جانے والی شالیمار ایکسپریس زد میں آگئی، حادثے کے نتیجے میں کار میں سوار خاتون اور بچے سمیت 6 افراد موقع پر ہی جاں بحق ہو گئے۔


اس خبرکوبھی پڑھیں: 2 رکشے ٹرین کی زد میں

حادثے کے بعد ریلوے ٹریک پر ٹرینوں کی آمدروفت کا سلسلہ رک گیا ہے جب کہ ریسکیو اہلکاروں نے امدادی کارروائیاں شروع کر دی ہیں۔