آرمی چیف جنرل قمر جاوید باجوہ کا پارا چنار کا دورہ زخمیوں کی عیادت کی

آرمی چیف جنرل قمرجاوید باجوہ نے پارا چنار کا دورہ کر کے گزشتہ روز دھماکے میں زخمی ہونے والوں کی عیادت کی۔

سیکیورٹی ذرائع کے مطابق آرمی چیف جنرل قمر جاوید باجوہ نے پارا چنار میں ایجنسی ہیڈ کوارٹراسپتال کا دورہ کر کے گزشتہ روز دھماکے میں زخمی ہونے والوں کی عیادت کی۔ اس موقع پر آرمی چیف نے زخمیوں سے ان کا احوال پوچھا اور اسپتال انتظامیہ کو زخمیوں کو بہترین طبی سہولیات فراہم کرنے کی ہدایت کی۔ آرمی چیف کے ہمراہ کورکمانڈر پشاور اور آئی جی فرنٹیئر کور بھی موجود تھے۔


اس خبرکوبھی پڑھیں: پارا چنار سبزی منڈی دھماکے میں 24 افراد جاں بحق

اس کے علاوہ آرمی چیف جنرل قمرجاوید باجوہ نے مقامی قبائلی عمائدین سے بھی ملاقات کی اور قیمتی انسانی جانوں کے ضیاع پر گہرے دکھ اور افسوس کا اظہار کیا۔